Adjunts al Síndic

Adjunt generau

 Jaume Saura i Estapà (Barcelona, 1966) doctor cum laude en Dret pera Universitat de Barcelona (UB) er an 1994 e Prèmi Extraordinari de Doctorat deth cors 1993/1994.

Dempús der an 1997 ei professor titular (catedratic acreditat) de Dret Internacionau e Relacions Internacionaus dera UB. Tanben a estat professor visitant ena Loyola Law School de Los Angeles e en autes universitats europèes e latinoamericanes, coma en Còsta Rica e Chipre. A ua extensa trajectòria coma observaire internacionau de processi electoraus qu’inicièc er an 1994 com a observaire de Nacions Junhudes en es eleccions de Sudafrica. Des d’alavetz a desvolopat aguest prètzhèt en diuèrsi comicis deth mon (Palestina, Bòsnia-Hercegovina, Togo, Timor Orientau, Guatemala, etc.).

Dempús der an 2004 e enquiar an 2015 a estat eth president der Institut de Drets umans de Catalonha. Tanben siguec director adjunt deth Centre d'Estudis Internacionaus dera UB entre es ans 2000 e 2007. A estat membre dera Comission de Justícia Penau Internacionau dempús der an 2010 e de diuèrses entitats sociaus e academiques (Associacion pes Nacions Junhudes en Espanha; American Society of Internacional Law, Associacion Internacionau de Juristes peth Sahara Occidentau, etc.).

Tanben a estat coordinador academic deth programa "dret ath Dret" dera UB, dempús der an 2007 e deth Programa Oficiau de Doctorat en Dret e Ciéncia Politica dera UB des de mai de 2011.

Jaume Saura ei autor de diuèrsi libres e articles sus drets umans, dret internacionau umanitari e usatge dera fòrça en es relacions internacionaus.

A estat vinculat ath Sindic dempús der an 2010 en qualitat de membre der Equip de Trabalh e coordinador deth Conselh Assessor dera anterior Autoritat Catalana de Prevencion dera Tortura (actuauments, Mecanisme Catalan).

L'adjunt generau assistís, represente e remplace ath sindic ena sua abséncia.

 

Adjunta entara defensa des drets des infants e des adolescents

Maria Jesús Larios Paterna (Barcelona, 1970) ei doctora en Dret pera Universitat de Barcelona e professora titulara de Dret Constitucionau pera madeisha universitat.

S'a especializat en dret ara educacion e era immigracion. En aguest camp codirigic er Anuari dera Immigracion dera Fondacion Bofill e eth Seminari sus es Drets des Immigrants der Institut de Dret Public dera Universitat de Barcelona. A diuèrses publicacions en aguesti àmbits.

Dempús der an 2010 ocupe eth cargue d'adjunta ath Sindic entara defensa des drets des enfants e adolescents.Prèviament auie ocupat eth cargue de directora d’Ahèrs Sociaus e relacions damb eth Parlament.(2040-2010)

En Sindic de Grèuges es sòns airaus de responsabilitat an estat estacadi damb eth regim juridic des administracions publiques, es servicis sociaus, era cultura e es universitats. A estat era responsabla des relacions damb eth Parlament e a coordinat e supervisat era elaboracion e era presentacion en Parlament der informe annau deth Sindic de Grèuges e es informes extraordinaris.

En camp dera investigacion, era sua activitat s'a centrat en estudi des institucions, sustot deth Parlament, e des drets fondamentaus. Entara elaboracion dera tèsi doctorau hec ua estada d'investigacion d'un an ena Universitat de Heidelberg (Alemanha) e en Max Plank Institute dera madeisha ciutat. Ei autora de publicacions en libres e revistes especializades en aguestes matèries.

A estat membre de diuèrsi projèctes d'investigacion estacadi damb es drets fondamentaus e damb era estructura territoriau der Estat.

A impartit docéncia en diuèrses universitats ath delà dera Universitat de Barcelona, com era Universitat andina Simón Bolívar (1999), e tanben en diuèrsi mastèrs e corsi especializadi coma eth Mastèr era Immigracion e Educacion Interculturau, qu'organize era Facultat de Filosofia dera UB, e eth Mastèr en Dret Public dera Escola d'Administracion Publica dera Generalitat de Catalonha. A estat consultora de Dret Constitucionau dera Universitat Dubèrta de Catalonha.

L'adjunta entara defensa des drets des infants e des adolescents assistís ath sindic e exercís es competéncies delegades ena proteccion des infants e des adolescents en contèxte dera Convencion internacionau des drets des infants.