Directora d'Ahèrs Sociaus e Relacions damb eth Parlament

Maria Jesús Larios Paterna (Barcelona, 1970) ei doctora en Dret pera Universitat de Barcelona e professora titulara de Dret Constitucionau pera madeisha universitat. Ei autora de diuèrsi articles e publicacions sus eth Parlament, com ara monografia "La participació ciutadana en l'elaboració de la llei".

S'a especializat en dret ara educacion e era immigracion. En aguest camp ei era coordinadora der Anuari dera Immigracion en Catalonha, der Institut de Dret Public dera Universitat de Barcelona.

• Coordine es informes e estudis dera institucion, es relacions damb eth Parlament e damb es sindics universitaris e eth Conselh d'Expèrts.
• Ei responsable des matèries de Servicis Sociaus; Administracion Generau; Normalizacion Lingüistica e Cultura e Educacion.

 

Director de Seguretat Publica e Relacions Sociaus

Ignasi Garcia i Clavel (Barcelona, 1943) ei licenciat en Filosofia e Letres e a estudis de Dret. Siguec director generau de Servicis Penitenciaris e Reabilitacion entre es ans 1990 e 1999.

A aucupat d'auti cargues ena Administracion dera Generalitat de Catalonha com ara eth de gerent der Institut Catalan de Servicis ara Joenessa (1985-90), delegat deth Govèrn enes comarques de B e secretari d'Ahèrs Religiosi pendent eth periòde 2000-2004.

• Coordine eth Conselh Sociau dera institucion.
• Ei responsable des airaus d'Administracion de Justícia; Seguretat Publica; Trabalh e Pensions; Igualtat de Genre; Ahèrs Religiosi e Institucions Penitenciàries.

 

Director d'Ordenacion deth territòri e Relacions Locaus

Matias Vives i March (Montblanc, 1952) ei licenciat en Sciéncies Economiques e Dret. A un Postgrad en Gestion Economica deth Miei Ambient pera Universitat de Barcelona.

Siguec deputat en Parlament de Catalonha (1980-1988), Sindic de Grèuges dera Universitat Rovira i Virgili (1994-2000) e, enquiara sua incorporacion en equip deth Sindic de Grèuges, a estat avocat e economista en exercici. A estat collaborador abituau des mieis de comunicacion La Vanguardia, El Punt e Catalunya Ràdio. Ei membre dera Comission Mixta de Valoracions Estat - Generalitat, e membre deth patronat de diuèrses fondacions.

• Coordine eth Servici d'Atencion as Persones (SAP) e es relacions damb era Administracion locau e damb es sindics locaus.
• Ei responsable des matèries d'Ordenacion deth territòri; Miei Ambient; Consum; Coaccion administrativa; Tributs, Urbanisme e Abitatge.

 

Secretaria Generau

Mª Pilar Figueras de Diego (Saragossa, 1950) ei licenciada en Dret pera Universitat de Saragossa e diplomada en Dret Internacionau Comparat pera  Faculté Internationale pour l'Enseignement du Droit Comparé de Strasbourg. A completat era sua formacion damb diuèrsi corsi ena Escòla d'Administracion Publica de Catalonha.

Era sua trajectòria professionau a estat tostemp vinculada estretament ara Administracion locau, as ajuntaments (de Saragossa, Mollet del Vallès e Barcelona), a on a auut diferenti cargues de responsabilitat. Cau nomentar era Direccion des Servicis de Gestion Urbanistica, era Geréncia deth Districte de Nou Barris e era Direccion der Airau Urbanistic e Servicis Centraus deth Consòrci deth Besòs. Ath delà, a estat secretària generau dera  Federacion de Municipis de Catalonha.

• Coordine  er equip administratiu deth Sindic, es Servicis Generaus    intèrns e es relacions economiques e laboraus.
• Ei responsable dera supervision e administracion de tot eth personau, atau com dera gestion economica abituau. 

 

Directora de Comunicacion e Gabinet

Fina Brunet i Clopés (Blanes, 1962) ei tecnica en Empreses Toristiques (TET) e a desvolopat tota era sua carrèra professionau ena ràdio e era television, sustot en Television de Catalonha (TV3), a on a trabalhat en diuèrsi programes e enes servicis informatius des de 1986 (an en qué guanhèc un concors public tà accedir ara cadena).

A estat corresponsau de CNN Internacionau en programa setmanau World Report e presentèc er informatiu en anglés, francés e alemanh Internationau Headlines. Abans d'incorporar-se ath Sindic exercie de conductora deth Telenotícies Comarques.

• Coordine era difusion des publicacions dera institucion, es trabalhs abituaus deth gabinet deth Sindic e es relacions damb es mieis de comunicacion.
• Ei responsabla dera comunicacion intèrna e extèrna dera institucion.