Notícies

Nau servici de presentacion de quèishes per videoconferéncia des de Vielha

30/06/2008

Er aparelh serà ena Bibliotèca de Vielha gràcies a un convèni entre er Ajuntament de Vielha e era institucion deth Síndic

Eth sindic de greuges a presentat en Vielha eth nau servici de videconferéncia que des dera capital dera Val d'Aran permeterà presentar ua quèisha o hèr ua consulta ara institucion deth Síndic de Greuges. Er objectiu ei apropar tant que se pogue era institucion a persones e entitats damb un dialòg dirècte, entà que non agen de desplaçar-se tara sedença de Barcelona.

Er aparelh serà ena Bibliotèca de Vielha (av/ Garona 33. Palai de Gèu) gràcies a un convèni entre er Ajuntament de Vielha e era institucion deth Síndic. Er orari abituau d'atencion per miei de videoconferéncia serà deluns, dimèrcles e diuendres de 15 a 19 ores e es dimars e dijaus de 9 a 14 ores.

S'a de demanar ora en telefon gratuït 900 124 124. Encara que posteriorment s'age d'enviar documentacion complementària, era quèisha serà tramitada des deth moment en qué se produsís dialòg entre era persona que presente era quèisha e un assessor deth Síndic.

Eth servici de videconferéncia ja hè un an e miei que foncione des de dètz localitats: Figueres, Girona, la Seu d'Urgell, Lleida, Manresa, Reus, Tarragona, Tortosa, Tremp e Vic. Damb era incorporacion de Vielha se pòt assegurar que toti es abitants de Catalonha an un punt d'atencion deth Síndic a non pas mès de 60 quilomètres deth sòn domicili.

 

Tornar