Notícies
Eth Síndic presente era version deth sòn web en aranés
Eth web deth Síndic de Greuges de Catalunya www.sindic.cat ja a ua version en aranés. Des d'aguesta web, es abitants dera Val d'Aran poiràn presentar ua quèisha en aranés ath Sindic. En aranés tanben son toti es contenguts fixes deth web e es notícies d'actualitat que se tradusiràn periodicament.
Aguesti contenguts fixes e es notícies seràn disponibles en aranés gràcies ath trabalh de traduccion deth servici de Cultura e Politica Lingüistica deth Conselh Generau d'Aran. Ath delà der aranés, eth web deth síndic a es sòns contenguts en catalan, castelhan e anglés. Lèu tanben i aurà ua version en francés.
Era presentacion deth web aranés s'a hèt coïncidint damb eth desplaçament dera oficina deth Sindic tà Vielha a on a recebut quèishes e consultes des ciutadans e a visitat diferenti equipaments sociaus e sanitaris.
