Notícies
Eth Sindic estree era version deth web en francés
Eth web deth Sindic de Grèuges de Catalonha www.sindic.cat ja a ua version en francés. D'aguesta manèra, era majoria de contenguts, com ara es formularis de queisha e de consulta o eth servici d'atencion as persones, ja son disponibles en lengua francesa. Tanben s'a tradusit tota era informacion fixa deth lòc web, com ara era foncion qu'exercís era institucion, era istòria e era Lei deth Sindic, entre d'autes.
En çò que hè as notícies d'actualitat, s'actualizaràn periodicament aqueres qu'agen un interès internacionau relevant, talament com se hè damb era version anglesa. Aguesta ei era cincau lengua en qué eth web deth Sindic ei disponible. Ath delà deth francés, a es contenguts en catalan, castelhan, anglés e aranés.
Er objectiu d'auer eth web en francés ei, ath delà d' arribar a un màger nombre de persones, ampliar eth radi de difusion internacionau deth prètzhèt que hè eth Sindic, que des der an 2002 ei membre de plen dret dera Associacion de Mediadors e Ombudsman dera Francofonia (AOMF).
