Notícies
Exposicion “Obrim portes als drets”
Er an 2009 ei un an de celebracion tath Sindic de Grèuges de Catalonha. Commemoram eth prumèr quart de sègle d'existéncia dera institucion de defensa de drets a Catalonha e dera aprobacion dera lei reguladora qu'autregèc ath Sindic facultats de supervision sus era Administracion publica dera Generalitat e sus es ens locaus de Catalonha.
Hè 30 ans deth prumèr Estatut d'Autonomia dera democràcia, qu'autregèc ath Parlament era facultat de nomenar un sindic de grèuges tà defensar es drets fondamentaus e es libertats publiques des ciutadans.
E evocant es origens medievaus d'aguesta institucion modèrna, celebram que hè 600 ans, en 1409, Martin er Uman fondèc era institucion deth provisor de grèuges, ua comission que velhaue pera satisfaccion de grèuges o queishes.
Aguesti tres èishi centren era exposicion commemorativa e divulgativa dera figura deth Sindic -defensor des persones-, ua mòstra titulada, Obrim portes als drets, qu'ath long de 2009, damb caractèr itinerant, viatjarà per tot Catalonha.
