Notícies
Eth Sindic inaugure era naua sedença dera institucion
Mès de 200 persones an assistit tar acte, qu'a agut lòc enes naues dependéncies deth Sindic, en passeig de Lluís Companys, 7, de Barcelona. Entre aguestes destaquen eth defensor deth pòble d'Espanha, Enrique Múgica, eth defensor de Suècia, Mats Mellin, eth conselhèr d'Interior, Relacions Institucionaus e Participacion, Joan Saura, er alcade de Barcelona, Jordi Hereu e president deth Parlament de Catalonha, Ernest Benach, qu'an dubèrt er acte damb uns brèus parlaments.
Profitant era celebracion des 60 ans dera Declaracion universau des drets umans, toti eri an vantat eth prètzhèt de defensa de drets qu'amie a tèrme eth Sindic. En sòn discors, Rafael Ribó a rebrembat qu'era institucion a experimentat un augment recòrd de queishes enes darrèrs ans e qu'era antica sedença auie demorat petita tà encabir-i tot er equip deth Sindic.
Entre eth public assistent tanben i auie diuèrsi conselhèrs deth Govèrn dera Generalitat, deputats deth Parlament, defensors deth pòble dera majoria de comunitats autonòmes d'Espanha, sindics locaus e universitaris e tot er equip deth Sindic.
Un concèrt de nau cançons deth cantautor Raimon e ua visita guiada tara exposicion deth Sindic "Obrim les portes als drets" an completat er acte d'inauguracion.
