Notícies
Eth Sindic de Grèuges a hèt balanç dera aplicacion dera Convencion sus es Drets des Enfants des Nacions Unides
Era institucion deth Sindic de Grèuges a hèt balanç dera aplicacion dera Convencion sus es drets des enfants des Nacions Unides (norma internacionau que recuelh es drets des enfants e es joeni de tot eth mon) en vintau aniversari dera sua aplicacion en ua jornada de trabalh: Jornada sus era Situacion des Drets des Enfants en Catalonha, qu'a auut lòc ena sedença deth Sindic.
Eth sindic, Rafèl Ribó, e er adjunhut entara defensa des drets des enfants an hèt ua avaloracion deth prètzhèt amiat pera institucion en defensa des drets des enfants e an assentat quauqui d'aguesti deficits.
Coma mès significatius an remercat, en encastre dera educacion, era segregacion escolara, en encastre dera proteccion, quauques disfoncions deth sistèma protector com ara era sobreaucupacion de centres o era saturacion des equips d'atencion e, en encastre dera participacion, es mancances ena cultura dera escòlta e era inclusion deth menor ena presa de decisions.
Com aspècte positiu an remercat era introduccion dera Convencion ena màger part des leis especifiques d'enfància e an ressaltat era preséncia normativa dera Convencion en projècte de lei de drets e oportunitats des enfants.
