Notícies
Eth Sindic plantege ath Defensor deth Pòble qu’actue d’ofici tà cedir es casernes dera Guàrdia Civila en desús, entà hèr abitatge sociau
En encastre dera situacion economica actuau s'a hèt evident un aument deth nombre de sollicituds d'abitatges sociaus e es situacions d'emergéncia, uns hèts qu'an portat ath Sindic a parlar des insuficiéncies deth parc public d'abitatges
Ei per aguest motiu qu'eth Sindic a decidit plantejar ath Defensor deth Pòble, en tant qu'institucion damb competéncies sus es àmbits de gestion dera Guàrdia Civila, era obertura d'ua actuacion d'ofici entà analisar s'es abitatges des casèrnes abandonades se poderien destinar a abitatge sociau. Adigsa, era empresa qu'administre eth patrimòni immobiliari der Institut Catalan deth Sòu, organisme autonòm dera Generalitat de Catalunya, e era Direccion Generau dera Guàrdia Civila ja an mantengut convèrses sus era possibilitat de cedir es casèrnes que dispòsen d'abitatges e que son dehòra de servici entà reutilizar-les coma abitatges sociaus entà atier es situacions de risc d'exclusion sociau derivada dera manca d'abitatge.
