Notícies
Eth Sindic constate er increment de queishes relacionades damb es ajudes sociaus en epòca de crisi.
Pendent eth 2009 eth Sindic a podut constatar er impacte dera crisi damb er aument des queishes que denòten situacions d'exclusion e de manca de possibilitats d'exercir drets basics. Pendent era presentacion der informe anuau 2009 ath Parlament, eth defensor des persones a reclamat que, en epòca de crisi, s'accentuen es prioritats entà combàter era exclusion sociau.
Es restriccions pressupostàries an afectat as servicis e prestacions en encastres especiaument sensibles entara igualtat d'oportunitats com ara era educacion, es servicis sociaus, era enfància o er abitatge.
Pendent eth 2009 eth Sindic a amiat a tèrme 24.960 actuacions, distribuïdes entre 5.941 queishes 105 actuacions d'ofici e 18.914 consultes. Aguestes actuacions an suposat un creishement deth 5,2% respècte der exercici anterior. Com qu'aguest ei eth darrèr informe deth mandat iniciat en 2004, cau remercar que d'alavetz ençà s'a produsit un creishement deth 278%, ei a díder, que per cada actuacion qu'eth Sindic amièc en 2004, en 2009 n'a realizat 3,8.
