Notícies
Rafael Ribó pren possession coma sindic de grèuges entà un nau mandat de nau ans
Er acte de presa de possession s'a celebrat en Parlament, presidit per Ernest Benach, president dera cramba e a compdat damb era preséncia deth president dera Generalitat, José Montilla e diuèrsi membres deth govèrn. Tanben i a assistit eth defensor deth pòble d'Espanha e era màger part de defensors autonomics der Estat espanhòu, atau com sindics locaus e universitaris.
Despús de prométer eth cargue, ena sua intervencion, Ribó a apuntat es rèptes deth nau mandat, com ara, hèr ua institucion mès coneishuda e ara man de toti, era creacion d'un hilat de drets e déuers, e investigar e collaborar entara mielhora dera Administracion. Tanben a anonciat qu'enes pròplèu setmanes compareisherà en Parlament entà concretar es objectius e es prioritats deth nau mandat.
Ribó siguec reelegit sindic eth passat dia 10 peth Parlament de Catalunya per 117 vòts a favor, 3 en contra e 3 abstencions. Neishut eth 10 de mai de 1945, Ribó aucupe eth cargue de sindic de grèuges de Catalunya des der 1 de junhsèga de 2004, acabèc eth mandat de cinc ans eth 2 de junhsèga passat e des d'alavetz exercie eth cargue en foncions. Des de junh deth 2009 presidís era Junta Directiva Europèa der Institut Internacionau der Ombudsman.
