Notícies
Era creishent reduccion de servicis e prestacions sociaus, e determinades males practiques administratives afècten drets e deishen a milèrs de persones en la indefension
Eth Sindic a liurat ara presidenta deth Parlament, Núria de Gipert, er Informe anau 2011 dera insitucion. Eth document, que recuelh es activitats deth Sindic de tot er an, constate que es quèishes an creishut un 31,6% en relacion damb er an passat e que era Administracion a acceptat en 95% des casi es recomanacions deth Sindic, un 5% mès que er an passat.
Eth prètzhèt encomanat per Estatut d’autonomia ath Sindic entara era defensa des drets des persones s’a vist significativaments condicionat pendent eth darrèr an pes conseqüéncies sociaus dera crisi e pera afectacion des drets sociaus que determinades decisions an comportat.
Eth Sindic de Grèuges ei conscient dera dimension e des conseqüéncies dera crisi economica e der estret marge deth quau dispausen es institucions publiques, entre es quaus, es catalanes, entà establir eth limit de despena pressupostària. Totun, eth Sindic de Grèuges constate que pendent er an passat determinades decisions e actuacions en matèria de politiques publiques comportèren ua afectacion negativa des drets individuaus. Aguesta constatacion s’a de complementar damb era afirmacion qu’an estat es persones que se trapen en ua situacion mès fèble laguens era estructua sociau de Catalonha es que han patit er afebliment des sòns drets sociaus.
Es quèishes e actuacions d’ofici s’incrementen un 31,6%
Er an 2011 era activitat deth Sindic a creishut notablament respècte as exercicis anteriors. Eth numerò totau de persones atengudes ei de 38.695, un 23,4% superior ath numerò de persones que s’adreçaren ath Sindic eth 2010.
Es actuacions deth Sindic relatives as quèishes arrecebudes eth 2011 e es actuacions d’ofici iniciades an estat de 8.180, un 31,6 d’increment en relacion damb er an anterior.
Si a aguestes actuacions se sumen es consultes arrecebudes (14.579), eth numerò totau d’actuacions dubèrtes pendent er an a estat de 22.759.
92% d’acceptacion des resolucions deth Sindic
Pendent er an 2011 eth Sindic de Grèuges a finalisat 7.865 d’actuacions, un 35,9% mès en relacion d’amb er an passat. En totes es resolucions enes quaus i a agut suggeriments, eth grad d’acceptacion des recomanacions per part dera Administracion a estat molt naut, environ d’un 92% des casi.
Ei important remarcar qu’aguesta acceptacion supòse un increment de mès d’un 5% respècte ar an anterior.
