Notícies
Eth Sindic de Greuges e eth Sindic d’Aran signen un convèni de collaboracion
Eth sindic d’Aran, Carlos Barrera, e eth sindic de greuges de Catalonha, Rafael Ribó, an signat un convèni de collaboracion tà garantir es drets des persones en entorn d’Aran que permete singularizar era institucion deth Sindic de Greuges quan actue en ambit aranés.
Eth sindic d’Aran, Carlos Barrera, e eth sindic de greuges de Catalonha, Rafael Ribó, an signat un convèni de collaboracion tà garantir es drets des persones en entorn d’Aran que permete singularizar era institucion deth Sindic de Greuges quan actue en ambit aranés.
Atau, eth Sindic de Greuges quan susvelhe era actuacion des diferentes administracions dera Val d’Aran, adoptarà eth nòm de Proòm dera Val d’Aran e aufrirà ua vision singularizada de vigilància atengudes es especificitats der autogovèrn aranés.
Eth Proòm, figura, que existie des deth sègle XIII entà controlar era actuacion des diferentes administracions d'Aran, aufrirà ath Conselh Generau d’Aran una vision singularizada de susvelhança que se concretarà coma seguís:
a) Era transferéncia ath Conselh Generau d’Aran d’un informe anual que recuelhe era situacion des queishes trametudes peth Proòm que hèsquen referéncia as diferentes administracions dera Val, e un detalh estadistic des consultes vengudes de persones e entitats residentes ena Val atengudes peth Proòm.
b) Era possibilitat d’assistir tà un plen deth Conselh, tà pr’amor d’expausar damb detalh er informe nomentat e debater-lo e tàs plens des ajuntaments qu’ac demanen.
c) Era edicion en aranés des materiaus deth Proòm qu’agen a veir damb Aran.
d) Era atencion presenciau e telefonica en aranés a toti aqueri que s’adrecen ath Proòm e ac demanen.
e) Plaçar ara disposicion deth Conselh Generau es recorsi competenciaus pròpris deth Proòm, autant per çò que tanh ath Conselh de garanties estatutàries, com per çò que tanh ara capacitat de promocion normatiua.
Eth Sindic d’Aran poirà adreçar-se ath Proòm tà pr’amor d’expausar-li aqueres qüestions que tanhen as competéncies pròpries e damb relacion ath Govèrn dera Generalitat o quinsevolh des sòns departaments.
Eth vigor d’aguest convèni ei de dus ans a compdar des d’eth dia dera data dera signatura, e quede prorrogat de manèra automatica per periòdes successius de dus ans s’ei que cap des parts non a era volontat de revisar-lo damb un minim de trenta dies naturaus abans que s’acabe.
