Notícies
Eth proòm dera val compareishec ager ena Comission d'Ahèrs Institucionaus en relacion damb era Proposicion de lei deth regim especiau d'Aran
Eth Sindic de Grèuges ei eth Proòm d'Aran dempús der an 2009 e dempús d’alavetz aufrís ua vision singularizada de susvelhança e supervision deth Conselh Generau
Eth sindic de grèuges, Rafael Ribó, compareishec ager ena Comission d’Ahèrs Institucionaus deth Parlament de Catalonha en relacion damb era Proposicion de lei deth regim especiau d’Aran.
Dempús der an 2009 eth Sindic de Grèuges de Catalonha actue en Aran coma defensor des drets des administradi e garant der exercici adequat der autogovèrn, d'acòrd damb eth convèni de collaboracion entre eth Sindic de Grèuges e eth Conselh Generau d’Aran.
Eth Sindic de Grèuges adòpte eth nòm de Proòm en Aran e aufrís ua vision singularizada de susvelhança e supervision deth Conselh Generau que se recuelh en informe que se publique annauments.
Ath delà, eth convèni tanben preve era edicion en aranés des materiaus deth Pròom qu'agen a veir damb Aran, atau com ua atencion telefonica e presenciau en aranés.
Pera sua part, eth Sindic d’Aran poirà adreçar-se tath Pròom entà expausar-li es ahèrs que pertanhen as competències pròpries.
