Airaus d'actuacion
Director de Gabinet
Xavier Miret i Corretgé ei eth director de Gabinet deth Sindic de Grèuges dempús deth 29 de deseme de 2023.
A un grad en Protocòu e Organizacion d'Eveniments pera Universitat Europèa e ei tecnic superior en Protocòu e Relacions Institucionaus pera Escòla Internacionau de Protocòu.
Deth 2003 ath 2016 exercic coma tecnic de relacions institucionaus e protocòu en Gabinet dera Conselheria de Benestar Sociau e Familhes dera Generalitat de Catalonha damb es conselhères Anna Simó, Carme Figueras e Carme Capdevila e eth conselhèr Josep Lluís Cleries.
Deth 2016 ath 2018 siguec eth cap deth Burèu de Relacions Extèrnes e Protocòu deth Departament dera Presidéncia dera Generalitat de Catalonha damb era conselhèra Nhèus Munté e eth conselhèr Jordi Turull.
Deth 2018 ath 2021 siguec eth cap deth Burèu de Relacions Extèrnes e Protocòu deth Departament de Politiques Digitaus e Administracion Publica dera Generalitat de Catalonha damb eth conselhèr Jordi Puigneró.
D'abriu de 2021 enquià octobre de 2022 siguec eth cap deth Gabinet de Relacions Extèrnes e Protocòu deth Departament dera Vicepresidència, Politiques Digitaus e Territòri dera Generalitat de Catalonha damb eth vicepresident e conselhèr Jordi Puigneró.
D'octobre de 2022 enquià junh deth 2023 siguec eth cap deth Burèu de Relacions Extèrnes e Protocòu deth Departament d'Economia e Isènda dera Generalitat de Catalonha damb era conselhèra Natàlia Mas.
Anteriorament, trabalhèc coma educador sociau e coordinador der equipament civic polivalent Sant Ròc dera Generalitat de Catalonha, en barri de Sant Ròc de Badalona (1996-2003). Tanben a impartit formacion en relacions institucionaus e abiletats comunicatiues a nauti cargues e cargues elèctes en diuèrses institucions publiques.
Donades de contacte
Telefon: 933 018 075
Corrèu electronic: dirgabinet@sindic.cat
Gerenta
Mercè Perelló i Jané ei gerenta deth Sindic de Grèuges dempús deth 2023. Ei era responsable dera administracion des recorsi umans; era contractacion administrativa; era gestion economica e es servicis generaus e de supòrt; era proteccion de donades de caractèr personau, e era seguretat dera informacion. Tanben siguec directora des airaus d'administracion publica e drets, transparéncia e bon govèrn, immigracion, relacions laboraus e pensions dera institucion.
Ei licenciada en Dret pera Universitat de Barcelona, a un pòstgrad en Administracion Publica e un mastèr en Dret Public e Organizacion Administrativa pera Universitat Pompeu Fabra. Tanben ei diplomada en Foncion Gerenciau enes Administracions Publiques per ESADE.
Entre 2009 e mai de 2023 siguec sosdirectritz generau d’Administracion e Servicis Generaus der Institut d’Estadistica de Catalonha. Es sues foncions includien era supervision e era coordinacion dera gestion economica, pressupostària e contractuau; er impuls des politiques de recorsi umans; era administracion des recorsi materiaus; era direccion des servicis juridics, e era seguretat dera informacion.
Anteriorament, siguec responsable de seguiment dera gestion deth Gabinet deth conselhèr d’Economia dera Generalitat de Catalonha (2001-2009), siguec formadora ena Escòla d’Administracion Publica de Catalonha e en Departament d’Economia, e tanben a exercit d'avocada en sector privat (1989-1991).
Donades de contacte
Teleon: 933 018 075
Corrèu electronic: gerencia@sindic.cat
Nomentament de Mercè Perelló i Jané coma gerenta del Síndic de Greuges
Director de drets sociaus
Jordi Sànchez i Picanyol ei eth director de drets sociaus deth Sindic de Grèuges de Catalonha dempús deth 29 de mai de 2023. Deth 2010 ath 2015, siguec adjunt generau dera institucion.
Ei licenciat en Sciéncies Politiques e Sociologia pera Universitat Autonòma de Barcelona (UAB) e a un mastèr en Sciéncia Politica pera madeisha universitat.
Deth 1996 ath 2010, dirigic era Fondacion privada Jaume Bofill, centrada ena recèrca en camp des sciéncies sociaus e, particularament, en encastre dera educacion, era participacion democratica, es inegalitats sociaus e era immigracion. Participèc en desenes de recèrces e dirigic ua colleccion de libres damb mès de cinquanta publicacions en aguesti encastres.
En 2004 siguec coordinador der encastre de servici public educatiu deth Pacte nacionau d'educacion, signat pes principaus partits, associacions e movements dera comunitat educativa. Tanben coordinèc e redactèc un des encastres deth prumèr Pacte nacionau d'immigracion (2008).
En 2015 assumic era presidéncia dera Assemblada Nacionau Catalana; en 2017 siguec empresoat peth referendum der 1 d'octobre e en 2019, condemnat a nau ans de preson e inabilitacion absoluta per sedicion. Recuperèc era libertat en junh deth 2021, en èster indultat, e en abriu deth 2022 era inabilitacion dequeiguec, pr'amor que desapareishec eth delicte de sedicion deth Còdi penau.
Entre 2020 e 2022, siguec secretari generau de Junts per Catalunya.
Professor ena UAB, ena UB e ena UOC, e autor de diuèrses publicacions academiques, a participat tanben en monografies de sciéncia politica, participacion ciutadana e estat deth benestar. Li concediren era bèca German Marshall Fund, institucion qu'a coma objectiu principau estrénher es laci de coneishença e escambi entre era societat europèa e era nòrd-americana, e a participat en programes entà visitants internacionaus en Estats Units.
Ei membre de diuèrsi conselhs assessors e juntes directives de diuèrses entitats culturaus sense afan de lucre.
Donades de contacte
Telefon: 935 538 451
Corrèu electronic: dretssocials@sindic.cat
