Adjunt generau

Jaume Saura i Estapà ei doctor en Dret pera Universitat de Barcelona (UB) e Prèmi Extraordinari de Doctorat deth cors 1993/1994. Ei tanben catedratic de Dret Internacionau Public e Relacions Internacionaus dera UB e a combinat docéncia e recèrca, entre d’autes, en encastre dera proteccion internacionau des drets umans. A estat professor visitant ena Loyola Law School de Los Angeles e en autes universitats europèes e latinoamericanes.

A ua extensa trajectòria coma observaire internacionau de procèssi electoraus qu'inicièc er an 1994 coma observaire des Nacions Junhudes enes eleccions de Sudafrica. Dempús d'alavetz a desvolopat aguest prètzhèt en diuèrsi comicis d'arreu deth mon (Palestina, Bòsnia-Ercegovina, eth Tògo, Timòr Èst, eth Peró e Guatemala).

Dempús der an 2004 e enquiath 2015 siguec eth president der Institut de Drets Umans de Catalonha. Tanben siguec director adjunt deth Centre d'Estudis Internacionaus dera UB entre es ans 2000 e 2007.

A estat membre dera Comission de Justícia Penau Internacionau (2010-2015) e de diuèrses entitats sociaus e academiques (Associacion pes Nacions Junhudes en Espanha, American Society of International Law, Associacion Internacionau de Juristes peth Sahara Occidental, eca.). Tanben a estat coordinador academic deth programa "dret ath Dret" dera UB, en periòde 2007-2015, e deth programa oficiau de doctorat en Dret e Sciéncia Politica dera UB (2011-2015).

Jaume Saura ei autor de diuèrsi libres e articles sus drets umans, dret internacionau umanitari e usatge dera fòrça enes relacions internacionaus.

A estat vinculat ara institucion deth Sindic de Grèuges dempús deth 2010 en qualitat de membre der Equip de Trabalh e coordinador deth Conselh Assessor deth Mecanisme Catalan de Prevencion dera Tortura (era anteriora Autoritat Catalana de Prevencion dera Tortura).

Dempús deth junh de 2015 ei er adjunt generau deth Sindic de Grèuges.

L'adjunt generau assistís, represente e remplace ath sindica ena sua abséncia.

Adjunta entara defensa des drets des infants e des adolescents

Aida C. Rodríguez ei doctora cum laude en Sciéncies dera Educacion e licenciada en Filosofia pera Universitat Ramon Llull (URL), e a un mastèr en Ciutadania e Drets Umans pera Universitat de Barcelona.

Cap de projèctes dera catèdra de Justícia Sociau e Restaurativa Pere Tarrés (2016-2022).

Professora associada en La Salle, URL, Departament d’Umanitats (2014-2022) e professora deth Mastèr en Modèls e Estrategies d’Accion Sociau e Educativa ena Enfància e Adolescéncia (MEIA) ena Facultat d'Educacion Sociau e Trabalh Sociau Pere Tarrés.

Investigadora collaboradora deth Grop de Recèrca Innovacion e Analisi Sociau (GIAS) dera Facultat d’Educacion Sociau e Trabalh Sociau Pere Tarrés, Universitat Ramon Llull (2015-2022), a trabalhat principaument sus ahèrs restacadi damb era justícia restaurativa, drets umans sistèma penau, educacion, etica e justícia sociau.

Formadora en practiques restauratives e enfocament restauratiu globau ath personau docent de centres d’educacion primària e segondària deth Departament d’Ensenhament dera Generalitat de Catalonha (2020-2022).

Membre fondadora dera associacion Informa’t Bcn! – Movement entara informacion ciutadana (2011-2014).

Coordinadora d’activitats ath Grop sus Justícia Restaurativa dera Facultat de Dret d’ESADE, URL (2014-2016).

Professora de filosofia, umanitats e lengua en ESO e bachillerat (2008-2013).

Bèca Leonardo da Vinci en Berlin, Alemanha (2007-2008).

L'adjunta entara defensa des drets des infants e des adolescents assistís ath sindic e exercís es competéncies delegades ena proteccion des infants e des adolescents en contèxte dera Convencion internacionau des drets des infants.