Qué ei eth canau intèrn de comunicacions?

Ei un canau mejançant eth quau podetz alertar, de forma anonima e segura, d’infraccions dera normativa o de conductes contràries ath Còdi etic e de conducta atribuïbles ath personau ath servici deth Sindic de Grèuges o a tresaus persones que i son restacades, en marc dera relacion de servicis funcionariau, laborau, contractuau o de quinsevolha auta natura qu’age era persona presomptament infractora damb eth Sindic de Grèuges.

Es conductes pòden èster conductes que ja s’agen cometut; d’autes que non s’agen materializat mès que probablament ac harán; actes o omissions qu'era persona age motius rasonables entà considerar infraccions, o assagi d’amagar infraccions. Era rapiditat ara ora de dar era alèrta a de perméter recondusir es conductes impròpies detectades, revisar es decisions e es actes administratius afectadi pes infraccions que s’agen cometut e exigir responsabilitats.

Qui pòt informar a trauès deth Canau intèrn de comunicacions?

Totes es persones que trabalhen en Sindic de Grèuges o que i son restacades en un contèxt laborau o professionau, de forma establa o temporau, pòden informar en cas d’indicis d’infraccions o conductes contràries ar interès public. Per tant, quina persona que sigue que desvolòpe bèra foncion o prètzhèt en nòm dera institucion –en vertut d’un contracte, un convèni, ua designacion o quinsevolh aute estrument que sigue legau– ne pòt informar. Era informacion aportada serà estudiada e se contunharà en tot indagar damb totau resèrva e confidencialitat, damb eth doble objectiu de protegir era persona alertadora de quinsevolha represalha potenciau e non mauméter era reputacion des persones afectades enquia qu'es indagacions amiades a tèrme permeten aclarir es hèts.

Com pogui informar a trauès del Canau intèrn de comunicacions?

Podetz presentar era vòsta comunicacion en tot seguir eth ligam següent deth canau intèrn de comunicacions. Un viatge vos trobatz en canau intèrn d’alèrtes e iniciatz eth tramit de comunicacion, vos calerà escríuer ua brèu descripcion des hèts. Podetz aportar fichèrs, maugrat que non se requerís que s’apòrten pròves conclusents se se plantegen dobtes rasonables o suspectes fondamentades.

Un viatge presentada era comunicacion, obtieratz un acusament de recepcion qu’incorpòre un còdi alfanumeric d'accès tà un canau de comunicacion de caractèr confidenciau. Eth còdi ei era unica manèra d’accedir en aguest canau e mantier era collaboracion damb era persona que lo gerís entà verificar es hèts e conéisher er estat de tramitacion dera comunicacion. Podetz consultar er estat de tramitacion o aportar mès informacion en tot seguir eth ligam següent deth canau intèrn de comunicacions.

 Resolucion que cree eth canau intèrn de comunicacions deth Sindic de Grèuges (en catalan)

 Resolucion de designacion dera persona gestora deth canau (en catalan)

 Còdi etic deth Sindic de Grèuges (en catalan)