Se ua administracion publica o ua enterpresa que rend servicis d'interès generau (aigua, lutz, gas, telefonia, eca) a vulnerat es tòns drets, pòs presentar ua queisha. Abans de hè’c, pòs veir un vidèo cuert damb responses as preguntes mès freqüentes.

Com ac hèsqui?

• Per telefon: 900 124 124 (gratuït) o 933 018 075.

• Presenciaument

• Ena institucion: passeg Lluís Companys, 7, 08003 Barcelona. Mapa
  
  Orari generau: Deluns-dijaus: 8.30 - 17.30 ores
                        Diuendres: 8.30 – 15.00 ores
  
  Orari d’agost:  Deluns-diuendres: 8.30 - 15.00 ores 
  
  Se vòs evitar demores, pòs demanar cita.

• Ena tua localitat o apròp: era equipa dera sindica se desplace per tota Catalonha. Consulta es pròplèus gessudes entà veir se n’i a bèra ua apròp tòn.

• Per internet
  • Formulari deth web (disponible sonque en catalan)
  • Sedença electronica (damb certificat digitau o IdCAT Mòbil)
  • Corrèu electronic: sindic@sindic.cat 
  • Per videotrucada  

• Per corrèu ordinari
  • Pòs enviar-mos ua carta ena adreça següenta: passeg Lluís Companys 7, 08003, Barcelona

Com a d’èster er escrit de queisha?

Cau qu’er escrit sigue simple, directe e concís, e cau que vage signat. A era confidencialitat garantida e a de contier es donades següentes:

• Explicacion deth motiu dera queisha.
• Nòm dera administracion o enterpresa de servici d'interès generau (aigua, lutz, gas, telefonia, eca) contra era quau se presente era queisha.
• Explicacion brèu des tramits administratius hèts.
• Donades dera persona interessada (afectada):
  • Nòm e cognòms
  • DNI o document identificatiu
  • Corrèu electronic (se vòs recéber notificacions electroniques)
  • Adreça postau (se vòs recéber notificacions en papèr)
  • Telefon

Se s'actue en nòm d'ua tresau persona o entitat, cau dar, tanben, es donades dera persona representant e ua acreditacion dera representación (se i a cap d’inconvenient, se pòt presentar mès tard).

Quan receberè responsa?

En un prumèr moment, receberàs un messatge entà confirmar qu’auem recebut era queisha correctament. Era resolucion definitiva deth cas depenerà de diferenti factors.

Se non recebes cap de messatge passadi dètz dies dera presentacion dera queisha, dilhèu i a agut bèth problèma tecnic. Met-te en contacte damb nosati e ac resolveram.

S'as bèth dobte, pòs trucar as telefons 900 124 124 (gratuït) o 933 018 075.