Informacion generau deth lòc web deth Sindic de Grèuges de Catalonha (Proòm dera Val) e des sòns contenguts. 

1. Informacion deth titular deth web

Aguest lòc web ei eth web oficiau deth Sindic de Grèuges de Catalonha, qu’ei eth titular deth domèni www.sindic.cat. Eth Sindic de Grèuges pòt èster titular d’autes nòms de domèni vinculadi o non ad aguest lòc web.

Eth Sindic de Grèuges a era sedença en passeig de Lluís Companys, 7, 08003, Barcelona (tel.: 933018075 e 900124124).

Eth Sindic de Grèuges, en encastre de çò que preve er Estatut d'autonomia de Catalonha (articles 78 e 79), e era Lei 24/2009, de 23 de deseme, a era foncion de protegir e defensar es drets e libertats constitucionaus e estatutàries deuant era Administracion e es enterpreses prestadores de servicis d’interès generau.

2. Encastre d’aplicacion

Eth Sindic de Grèuges ei responsable deth web e informe totes es persones usatgères que visiten eth web sus quines son es condicions d’usatge.

Tota persona qu’accedisca ad aguest lòc web assumís eth papèr de persona usatgèra, e se compromet ara observança e eth compliment des disposicions establides en aguest avís legau, e tanben a quinsevolha auta disposicion legau que sigue aplicabla.

Eth Sindic de Grèuges se resèrve eth dret de modificar quinsevolh tipus d'informacion que pogue aparéisher en web, sense que i age era obligacion de dar beth preavís o méter en coneishement des persones usatgères aguestes modificacions, ja que s’entén coma suficienta era publicacion en web.

3. Proteccion des drets de proprietat intellectuau

Es contenguts e elements grafics que hèn part deth lòc web http://www.sindic.cat son proprietat deth Sindic de Grèuges o de tresaus persones fisiques o juridiques que n'an autorizat er usatge ara institucion.

Es contenguts deth lòc web son objècte de proprietat intellectuau. Quinsevolh usatge o reproduccion qu’es persones usatgères hèsquin d’aguesti contenguts, o d’autes que se poguin includir en futur, s’an de hèr en tot seguir es previsions e en tot respectar es limitacions dera normativa sus proprietat intellectuau.

Non ei permetuda era modificacion deth web ne des sòns contenguts. Totun, era reutilizacion dera informacion demore limitada as condicions següentes:

1. Que non se n’altère ne se’n desnaturalize eth sens.

2. Que non se presente com ua version oficiau des documents ne tampòc com ua version hèta damb era collaboracion o damb er aval deth Sindic de Grèuges.

3. Que s’identifique eth Sindic de Grèuges coma hònt dera informacion.

4. Que s’especifique era data dera actualizacion des donades o, se se desconeish, era data en qué es donades s’obtingueren.

Entà hèr usatge de marques o signes distintius, logotips e, en generau, simbèus de quinsevolha naturalesa proprietat deth Sindic de Grèuges, se requerís ua autorizacion. Aguesti elements d'identitat grafica corporativa son protegidi pera legislacion vigenta aplicabla.

4. Politica de privadança

Consultatz aguest ligam entà accedir ara politica de privadança.

(https://seue.sindic.cat/sinseu/webclientrwd/iseu.html#ProteccioDeDades_OC)

5. Responsabilitat en relacion damb es contenguts

En aplicacion de çò que dispòse era legislacion en vigor, eth Sindic de Grèuges trabalhe pr'amor qu'es informacions, es contenguts e es servicis aufridi o difonudi en sòn lòc web complisquen de manèra sufisenta era integritat, era veracitat, era actualizacion, era accessibilitat e era usabilitat de besonh. Ad aguest efècte, respècte de cadun des contenguts, cau tier en compde era data d'actualizacion que s'indique en cada cas.

En aguest sens, eth Sindic de Grèuges se resèrve eth dret de modificar es contenguts deth web e d'eliminar-los, e tanben de limitar-ne o empedir-i er accès, ja sigue temporaument o definitiva, sense notificacion prealabla, damb er objectiu de complir era lei nomentada.

Era informacion que se pòt aufrir per miei d'aguest lòc web non substituís en cap cas era publicitat des leis, es disposicions generaus e es actes que an d’èster publicadi o difonudi enes jornaus o bulletins oficiaus. Es edicions estampades o publicacions electroniques des jornaus e bulletins oficiaus son es uniques qu'an caractèr oficiau e autentic.

En moment d’establir ligams damb sistèmes extèrnes, eth Sindic de Grèuges les a verificadi e non a coneishença qu’era activitat o era informacion a qué remeten pogue èster illicita o grèuge bens o drets de tresaus persones susceptibles d’indemnizacion. Maugrat açò, eth Sindic de Grèuges non ei responsable dera informacion que se pogue obtier mejançant aguesti ligams.

6. Cameres de videosusvelhança e proteccion de donades

Videosusvelhança de batisses

D’acòrd damb era Instruccion 1/2009, de 10 de hereuèr, sus eth tractament de donades de caractèr personau mejançant cameres damb fins de videovigilància, e eth Reglament 2016/679 deth Parlament Europèu e deth Conselh, de 27 d’abriu de 2016, relatiu ara proteccion des persones fisiques en çò que hè ath tractament de donades personaus e ara liure circulacion d’aguestes donades, vos informam que:

1. S’accedetz ar edifici deth Sindic de Grèuges, atengut qu’è un sistèma de videosusvelhança, es vòstes donades seràn incorporades en fichèr de videosusvelhança, deth quau ei responsable eth Sindic de Grèuges de Catalonha.
2. Era fin deth fichèr ei garantir era seguretat des bens e es installacions dera bastissa deth Sindic de Grèuges, on i a installat un sistèma de videosusvelhança, e tanben era seguretat des persones que i accedisquen.
3. Podetz exercir es drets d’accès, rectificacion, cancellacion e oposicion ena Geréncia deth Sindic de Grèuges de Catalonha, pg. Lluís Companys, 7, 2003, Barcelona. Telefòn: 933 018 075. Corrèu electronic: sindic@sindic.cat.
4. Es donades pòden èster cedides as fòrces e es còrssi de seguretat, d’acòrd damb er article 4 dera Lei organica 2/1986, de 13 de març, de fòrces e còrssi de seguretat, damb era fin d’investigacion d’actes illicits qu’agen estat enregistradi en camp de vision deth sistèma de videosusvelhança.